Kollej direktori  - YUsupova Nortoji CHonaevna 1955 yilda tug'ilgan, millati o'zbek, ma`lumoti oliy, 1980 yil, Toshkent Davlat konservatoriyasini Orkestr dirijyori, o'qituvchi, yakkanavoz sozanda mutaxassisligi bo'yicha tamomlagan, Namangan San`at kolleji direktori  O'zbekiston Respublikasida xizmat ko'rsatgan yoshlar mkurabbiysi

YUsupova Nortoji CHonaevna 1992 yildan buyon Namangan viloyat hokimligining madaniyat va sport ishlari boshqarmasi tizimidagi Namangan San`at kollejida ishlab kelmoqda.

2004 yilda “O'zbekiston Respublikasida xizmat ko'rsatgan yoshlar murabbiysi” unvoni bilan mukofotlangan. U nafaqat shahardagi balki viloyatda eng tajribali, malakali, fidoiy, mehnatsevar kollej direktorlaridan biri hisoblanadi.

U shu yillar mobaynida butun kuch-g'ayratini o'quv yurti moddiy-texnika bazasini mustahkamlashga, malakali mutaxassislar tayyorlash, “Ta`lim to'g'risida”gi qonun va Kadrlar tayyorlash Milliy dasturini hayotga keng tadbiq etish ishlariga qaratib kelmoqda. Jumladan, 1999-2000 o'quv yilida bilim yurtini kollejga aylantirilishidagi qayta ta`mirlash ishlarida u kishining San`at kollejini o'ziga xos xususiyatlarini xisobga olgan holda bergan maslaxat va ko'rsatmalari asosida jaxon andozalariga mos 400 o'rinli o'quv binosi, 200 ta o'rinli o'quvchilar turar joyi, 300 o'rinli katta kontsert zali, 120 o'rinli kichik kontsert zali to'la qayta ta`mirlandi hamda yangi “Xoreografiya” o'quv va mashg'ulot binosi xozirgi zamon talabiga mos ravishda qurib bitkazildi. Uning sayi xarakatlari bilan 2011 yil kollejning fasad qismi to'la ta`mirlanib, o'quv xonalarining romlari zamonaviy akfa romlariga almashtirildi. Namangan shahrining shaharsozlik asosida qayta qurish munosabati bilan kollej o'quvchilar oshxonasi buzilib ketgan edi, uning tashabbusi bilan yangitdan 80 o'rinli o'quvchilar oshxonasini qaytadan qurib bitkazilmoqda. 2012 yilda 200 o'rinli o'quvchilar turar joyi kapital ta`mirlashga rejalashtirilib, barcha smeta loyixa ishlari yakunlanib tasdiqdan o'tkazildi va yaqin kunlarda ta`mirlash ishlari olib boriladi. 

Hozirgi kunda kollejda 4 nafar Davlat mukofoti sohibi, 3 nafar “O'zbekiston Respublikasi o'rta maxsus, kasb-hunar ta`limi a`lochisi”, 61 nafar oliy toifali va o'nlab yosh malakali mutaxassis o'qituvchilar faoliyat ko'rsatib kelmoqdalar.

Uning tashabbusi bilan viloyatlardagi turdosh o'quv yurtlari orasida birinchilardan bo'lib “Aktyorlik san`ati”, “Dizayn”, “Estrada xonandaligi” bo'limlari ochilib, faoliyat ko'rsatmoqda. Ayniqsa, “Milliy xoreografiya san`ati”, “Milliy estrada san`ati”, “An`anaviy xonandalik”, “Aktyorlik san`ati” kafedralari juda keng rivojlandi. Terrorizmga va yoshlar o'rtasida giyohvandlik, odam savdosi va  jinoyatchilikka qarshi kurash mavzularida kollejning “Aktyorlik san`ati” kafedrasi o'quvchilari tomonidan  2005 yil “Ajal darvozasi”, 2006 yil “Yigit yig'lamasin dunyoda”, 2007 yil “Zaharli tomchi”, 2008 yil “Bozorning beozor bolalari”, 2010 yil viloyat MHX xodimlari bilan hamkorlikda “Qabohat” spektakllari sahnalashtirilib, nafaqat viloyatda balki Andijon va Farg'ona viloyatlaridan tashrif buyurgan ilg'or, fidoiy o'quvchi yoshlarga ham namoyish etildi.

Iqtidorli o'quvchilarni Respublika tanlovlariga olib chiqish va o'quvchilarni oliy o'quv yurtlariga kirib o'qishlariga puxta zamin yaratib kelmoqda. O'quvchilarni har 2 yilda bo'ladigan o'rta mahsus musiqa va san`at o'quv yurtlari Respublika tanlovlarida ishtiroki muntazam ta`minlanmoqda.

O'zbekiston Respublikasi madaniyat va sport ishlari vazirligi tomonidan 2005 yilda Buxoro va Qarshi shaharlarida o'tkazilgan yosh ijrochilarning XVIII-Respublika tanlovida kollejdan jami 13 nafar o'quvchi ishtirok etib, shundan 11 nafari g'oliblikni qo'lga kiritgan. SHuningdek, 4 ta birinchi o'rin, 4 ta ikkinchi o'rin, 3 ta uchinchi o'rinni egallashga muvaffaq bo'lishdi. 2007 yil may, iyun oyida Toshkent shahrida o'tkazilgan O'zbekiston madaniyat, san`at va musiqa kollejlari hamda akademik litseylar yosh ijrochilarining Respublika tanlovida kollejdan yo'nalishlari bo'yicha        15 nafar o'quvchi ishtirok etib 1 ta oliy (Gran Pri), 3 ta birinchi, 3 ta ikkinchi, 3 ta uchinchi o'rinlarni egallashga muvaffaq bo'lishdi. 2009 yilda Qarshi shaharlarida o'tkazilgan yosh ijrochilarning XIX-Respublika tanlovida kollejdan jami 18 nafar o'quvchi ishtirok etib, shundan 11 nafari g'oliblikni qo'lga kiritgan. SHuningdek, 3 ta birinchi o'rin, 5 ta ikkinchi o'rin, 3 ta uchinchi o'rinni egallashga muvaffaq bo'lishdi. 2011 yil 1-10 may kunlari Samarqand  shahrida o'tkazilgan Madaniyat, san`at va musiqa kolleji hamda akademik litseylari yosh ijrochilarining XX-Respublika tanlovida kollejdan jami 22 nafar o'quvchi ishtirok etib, shundan 11 nafari g'oliblikni qo'lga kiritgan. SHuningdek, 3 ta birinchi o'rin, 4 ta ikkinchi o'rin, 4 ta uchinchi o'rinni egallashga muvaffaq bo'lishdi. YUqoridagi barcha birinchi o'rinni egallagan o'quvchilar Diplom, laureatlik unvonlariga ega bo'ldilar va soxalari bo'yicha O'zbekiston Davlat konservatoriyasi, San`at instituti, Xoreografiya Oliy maktablariga imtiyozli o'qishga kirishni qo'lga kiritdilar.

“O'zbekiston madaniyati va san`ati forumi” jamg'armasi hamda “Kamolot” YOIX Markaziy Kengashi tomonidan 2005 yilda o'tkazilgan Respublika “Kelajak ovozi” mega tanlovida 1 nafar o'quvchi, 2007 yilda esa mazkur tanlovda 4 nafar o'quvchilar, 2008 yilda 3 nafar o'quvchi, 2009 yilda   1 nafar o'quvchi g'oliblikni qo'lga kiritishdi. 2010 yilda 2 nafar o'quvchi jami 11 nafar o'quvchi ushbu tanlov g'olibi bo'ldi. 2008 yilda g'olib bo'lgan o'quvchilar oliy o'quv yurtlariga imtiyozli o'qishga kirish huquqiga ega bo'ldilar.

2003-2006 o'quv yilida Xitoylik 3 nafar talaba mazkur kollejda o'z bilim va malakasini oshirib, hozirda 1 nafari O'zbekiston Davlat konservatoriyasi magistraturasida taxsil olmoqda. 2007-2010 o'quv yilida 1 nafar Xitoylik talaba shartnoma asosida taxsil olib u ham O'zbekiston Davlat konservatoriyasining 2-bosqich talabasi.

Uning raxbarligida yilning muhim sanalariga bag'ishlab tayyorlanayotgan tadbirlar, jumladan, shaxar, viloyat va Respublika miqyosida o'tkazilib kelinayotgan “Mustaqillik” va “Navro'z” bayramlarida kollejning 120 nafardan ortiq o'quvchilari muntazam ravishda muvaffaqiyatli ishtirok etib kelmoqda.

SHu bilan birga 2007 yil va 2009 yil Samarqand shahrida o'tkazilgan “SHarq taronalari” xalqaro musiqa festivalida xam kollej o'quvchilari muvaffaqiyatli ishtirok etib qaytdilar. 2009 yil “Puflama va zarbli cholg'ular orkestri” Toshkent shahrida bo'lib o'tgan Respublika ko'rik tanlovida ishtirok etib 1 o'ringa sazovor bo'ldi. 2010-yil “Xor dirijyorligi” kafedrasining o'quvchilar xori, O'zbekiston Respublikasi Madaniyat va sport ishlari vazirligi, Respublika xalq ijodiyoti va madaniy ma`rifiy ishlar ilmiy-metodik hamda axborot markazi tomonidan Bolalar va  o'smirlar xor jamoalarining Respublika ko'rik-festivalida ishtirok etib, 1-o'ringa sazovor bo'ldi.

2010-yil �Dizayn� kafedrasi 3-bosqich talabasi Muxammadaliev Olimxon O'zbekiston Badiiy Akademiyasi O'zbekiston Respublikasi oliy va o'rta maxsus kasb-hunar ta`limi Vaziriligi O'zbekiston Respublikasi madaniyat va sport ishlari Vaziriligi. Tasviriy va amaliy san`at hamda dizayn yo'nalishidagi o'rta maxsus ta`lim muassasalari bitiruvchi ijodkor yoshlari Respublika ko'rik tanlovida ishtirok etib 1-o'rinni qo'lga kiritib, Kamoliddin Bexzod nomidagi Respublika rassomchilik va dizayn institutiga grant asosida imtiyozli o'qishga qabul qilindi.

2010-yil 27-noyabrdan 5-dekabrgacha Tailandning Bankok shaxrida o'tkazilgan IFMA “Faxriy qirol tavalludining 83 yilligiga” bag'ishlab o'tkazilgan Muaytay bo'yicha o'smir yoshlar o'rtasida jaxon chempionatida “Aktyorlik san`ati” kafedrasi 3-bosqich o'quvchisi Nuriddinov Umid bronza medali soxibi bo'ldi.

N.YUsupova 2008 yilda O'zbekiston Madaniyati va san`ati forumi tomonidan “Pedagogik grant 2008” g'olibi deb topilgan. U Tadbirkorlar va ishbilarmonlar xarakati O'zbekiston liberal demokratik partiyasi a`zosi.

Mehnat faoliyati mobaynida ko'plab shogirdlarga ustozlik qilgan. U kollejning o'quv tarbiyaviy ishlarini zamon talabi darajasiga ko'tarib, jamoani jipslikda boshqarish bilan birga o'quvchi yoshlarning intellektual salohiyatini shakllantirib berishga, ona yurtiga sadoqatli va komil inson qilib tarbiyalashga butun diqqat e`tiborini qaratib kelmoqda.

Ma`naviyat va ma`rifat ishlari bo'yicha direktor o'rinbosari - Ashirov YUsubjon Darvishevich

1956 yilda tug'ilgan. millati o'zbek, ma`lumoti oliy  1978 yil Toshkent  Davlat Universitetini tamomlagan. Ma`lumoti bo'yicha tarix va jamiyatshunoslik mutaxassisligiga ega.

Ashirov YUsubjon Darvishevich 1997 yildan Namangan san`at kollejida ma`naviyat va ma`rifat ishlari bo'yicha direktor o'rinbosari vazifasida ishlab kelmoqda.

Umumiy pedagogik mehnat faoliyati 34  yil.

Ashirov YU.D pedagog kadrlarning salohiyati va sifatini oshirish borasida o'qituvchilar uchun o'tkaziladigan ma`naviyat soatlarida turli mavzularda ma`ruzalar bilan, guruh rahbarlariga  ma`naviyat soatlari mavzulari va matnlarini tayyorlashda o'zining uslubiy yordamini berib kelmoqda.

Viloyatdagi barcha tuman bolalar musiqa va san`at maktablari hamda shahar miqyosidagi bir necha umumta`lim maktablari bilan aloqani muvofiqlashtirishda, har yili may oyida o'tkaziladigan �Ochiq eshiklar kuni�, �Musiqa xaftaligi� kunlarida faol ishtirok etib kelmoqda.  

Namangan viloyat hokimligining Madaniyat va sport ishlari boshqarmasi, viloyat xalq ta`limi boshqarmalari bilan hamkorlik aloqalari o'rnatilgan. Kollejni bitirayotgan o'quvchilarni Davlat attestatsiyalariga tayyorlashda ularning kasbiy yo'nalishlari bo'yicha o'quv amaliyotlariga chiqarishga, kasbiy xususiyatlardan kelib, chiqib xisobot kontsertlarini tayyorlashda, bitiruv kechalarini tantanali o'tkazishda o'zining tashkilotchiligi bilan ajralib turadi.

Ashirov YU.D kollejda iste`dodli, iqtidorli o'quvchilarni har bir guruhdan saralab olib, guruh rahbarlari bilan xamkorlikda ishlashga alohida e`tibor berib keladi. O'rta maxsus musiqa va san`at o'quv yurtlarining Respublika tanlovlariga, �Kelajak ovozi�, �Zulfiya� nomidagi, �Nihol� Davlat mukofotlariga, �Eng iqtidorli mutaxassis�, �Eng mahoratli kasb egasi� va boshqa tanlovlarga o'quvchilar doimiy ravishda tayyorlanib borishida faol ishtirok  etib keladi.

Kollejda faoliyat yuritayotgan “Kamolot” YOIXBT, Psixolog, Xotin-qizlar qo'mitasi faoliyatini muvofiqlashtirib borishda va  kollejda tashkil etilgan “Fidoyi yoshlar klubi” tomonidan  turli yo'nalishlarda olib boriladigan tadbirlarni o'tkazilishida bosh-qosh bo'lib keladi.

Ashirov YU.D kollejda o'tkaziladigan yilning muxim sanalariga bag'ishlangan va boshqa turli ma`naviy-ma`rifiy tadbirlar uyushtirish va  o'tkazilishida faol ishtirok etib kelmoqda.

Kollej Axborot-resurs markazi faoliyatini yanada yaxshilash, yangi siyosiy va badiiy adabiyotlardan o'qituvchi va o'quvchilarning samarali  foydalanishiga yordam berib kelmoqda.

O'quv ishlari bo'yicha direktor o'rinbosari - Ubaev Nurdinxoja Xojaxanovich

1967 yilda tug'ilgan, o'zbek, ma`lumoti oliy, 1993 yil A.Qodiriy nomidagi Toshkent Madaniyat oliygohini tamomlagan, ma`lumoti bo'yicha Madaniy ma`rifiy ishlar xodimi,  havaskorlik puflab chalinadigan cholg'u orkestrining raxbari mutaxassisligiga ega. 

Ubaev Nurdinxoja Xojaxanovich 1999 yildan buyon Namangan viloyat xokimligi madaniyat va sport ishlari boshqarmasi tizimidagi Namangan San`at kollejida o'quv ishlari bo'yicha direktor o'rinbosari vazifasida ishlab kelmoqda.

U ish faoliyati davomida intizomli, talabchan, o'z ishining ustasi, yaxshi mutaxassis sifatida faoliyat ko'rsatib kelmoqda. YAxshi mutaxassis sifatida 9-sinf bitiruvchilarini kasb-hunarga qamrab olish maqsadida kolejda qabul jarayonini tashkillashtirishda viloyatdagi barcha tuman bolalar musiqa va san`at maktablari hamda shahar miqyosidagi bir necha umumta`lim maktablari bilan aloqada bo'lib, o'quv yurti haqidagi ma`lumot, albomlar, bukletlar tayyorlanib o'quvchilarga etkazib bermoqda. Har yili aprel may oylarda kollejda �Ochiq eshiklar kuni�, �Musiqa xaftaligi� kunlari o'tkazilib  faol ishtirok etib kelmoqda.  

Pedagog kadrlarning salohiyati va sifatini oshirish borasida tizimli ishlar tashkil etib, o'quv jarayoni uchun dars jadvallarini qulay tuzishda hamda dars taqsimotlarini belgilab tartibli ish tashkil etib bir qator muvaffaqiyatlarga erishmoqda. O'qituvchilarning malakasini oshirilishida, yillik istoqbolli ish rejalar asosida bosqichma-bosqich o'qituvchi va jo'rnavozlarni malaka oshirish va qayta tayyorlov kurslarida o'qib bilim, malaka va ko'nikmalarini oshirishlarida amaliy ko'mak berib kelmoqda.

SHuning bilan birga o'qituvchilar tomonidan o'quv qo'llanmalar yaratilishida o'quv-uslubiy kengash orqali o'qituvchilarga yaqindan yordam berib kelmoqda. YOsh o'qituvchilar bilan ishlash uchun “Ustoz -shogird” an`anasi asosida tizimli ravishda ish tashkil etishda faol ishtirok etmoqda.

Oliy O'quv yurtlari bilan imzolangan hamkorlik shartnomalari asosida masalan; O'zbekiston Davlat Konservatoriyasi professor o'qituvchilarini kollejga taklif etilib har yili fevral, mart oylarida yosh mutaxassis o'qituvchilar bilan �Usta saboq darslari� o'quv mashg'ulotlari o'tkazilishida sharoitlar yaratib bermoqda. Bitiruvchilarning Davlat attestatsiyasini topshirishlari uchun kerakli bo'lgan me`yoriy hujjatlari to'plami uslubiy qo'llanmasini tayyorlab kollejda joriy etgan.    

Uning raxbarligida kollejda iste`dodli, iqtidorli o'quvchilar bilan ishlash uchun qo'shimcha mashg'ulotlar jadvali tashkil etilgan bo'lib, olib borilgan tayyorgarliklar natijasida har ikki yilda bo'lib o'tadigan Respublika yosh ijrochilar ko'rik tanlovlarida ishtirok etib faxrli o'rinlarni egallashga muyassar bo'lmoqdalar.

Nurdinxoja Ubaev Namangan shahrining ko'kalamzorlashtirish va obodonlashtirish  ishlarida faol qatnashib sidqidildan mehnat qilib kelmoqda. U o'quvchilarning ta`lim-tarbiyasiga, ularning turli oqimlarga kirib ketmasligini oldini olishga katta e`tibor bergan holda guruhlar bilan alohida suhbatlar o'tkazib kelmoqda. SHaroiti og'ir o'quvchilarning uylariga borib ota-onalari bilan ham suhbatlar olib bormoqda.

U kamtarin va  mehribon, to'g'riso'zligi, ish yuzasidan ma`suliyatli va talabchanligi bilan o'qituvchi va o'quvchilar orasida hurmatga sazovor bo'lgan.

 Kasbiy ta`lim  buyicha direktor o'rinbosari - Toshpo'latov Akmal Abdullaxayevich

1978 yilda tug'ilgan, millati o'zbek, ma`lumoti oliy. 2002 yil O'zbekiston Davlat konservatoriyasi cholg'u ijrochiligi “Nay”  mutaxassisligiga ega.

Toshpo'latov Akmal Abdullaxayevich 2008 yildan buyon Namangan San`at kollejida kasbiy ta`lim bo'yicha direktor o'rinbosari vazifasida ishlab kelmoqda.

U o'z ustida tinimsiz ishlaydi, siyosiy, xuquqiy-ma`naviy bilimlarini oshirib boradi. Bu borada qat`iyat va sabr-toqat bilan ishlaydi. U xar ishda tashabbuskor, to'g'ri so'z sifatida  xamkasblariga va jamoa orasida aloxida xurmatga ega.

Qabul jarayonini tashkillashtirishda viloyatdagi barcha tuman bolalar musiqa va san`at maktablari hamda shahar miqyosidagi bir necha umumta`lim maktablari bilan aloqada bo'lib, o'quv yurti haqidagi ma`lumot, albomlar, bukletlar tayyorlanib o'quvchilarga etkazib bermoqda.  Har yili may oyida �Ochiq eshiklar kuni�, �Musiqa xaftaligi� kunlari o'tkazib bormoqda.  

Kollej bitiruvchilarini ishga joylashtirish jarayonida bitiruvchilarni bandligini oldindan aniqlab borish maqsadida 3 tomonlama shartnomalarni tuzishda xamda keyinchalik bandligini ta`minlashda samarali ish olib bormoqda.

Oxirgi 3 yilda kollejni jami 604 nafar o'quvchilar tamomlagan bo'lib, ulardan 78 nafari oliy o'quv yurtlarida taxsil olmoqda. 3 tomonlama shartnomalar asosida 396 nafar bitiruvchilar o'z kasblari bo'yicha ish faoliyatlarini olib bormoqdalar.

Raxbariyat tomonidan berilgan topshiriqlarni o'z vaqtida bajaradi. Talabchan, xar bir ishga mas`uliyat bilan yondashadi.